MUS: My ŭ režymie realnaha času bačym IP-adrasy tych, chto cikavicca dziciačym porna
U Biełarusi dla vyjaŭleńnia handlaroŭ narkotykami i patencyjnych piedafiłaŭ stvorana padraździaleńnie internet-raźviedki. Jano karystajecca prahramaj, jakaja ŭ režymie realnym časie adsočvaje internet-adrasy tych, chto cikavicca dziciačym porna. Pra heta kanału ANT raspavioŭ načalnik Hałoŭnaha ŭpraŭleńnia pa narkakantroli i supraćdziejańni handlu ludźmi MUS Hienadź Kazakievič, piša Tut.by,
Pa słovach Hienadzia Kazakieviča, u internecie złamyśniki na ŭmovach ananimnaści, z užyvańniem TOR-braŭzeraŭ i śpiecyjalnych prahram, zdajucca niabačnymi. Ale tolki na pieršy pohlad.
— Ale my taksama mianiajemsia — i stvaryli padraździaleńnie internet-raźviedki, jakoje dastatkova efiektyŭna vyjaŭlaje i handlaroŭ narkotykami, i patencyjnych piedafiłaŭ. Nie budu chavać: u nas jość śpiecyjalnaja prahrama, jakaja ŭ režymie realnaha času dazvalaje bačyć IP-adrasy ludziej, jakija cikaviacca, naprykład, dziciačym porna. I paviercie, u hetym płanie maštaby zaražanaści respubliki dosyć surjoznyja.
Surazmoŭca zhadaŭ, što ŭ minułym hodzie 487 dziaciej paciarpieli ad dziejańniaŭ piedafiłaŭ. A naohuł, jak paviedamlałasia raniej, za apošnija 6 hadoŭ kolkaść vyjaŭleńnia i spynieńnia złačynstvaŭ, źviazanych z seksualnym hvałtam nad dziećmi, vyrasła ŭ 22 razy, a kolkaść piedafiłaŭ - u 7 razoŭ.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ19
Kamientary