Supracoŭniki Dziaržpahransłužby Ukrainy nie prapuścili praź miažu hrupu rasijskich akcioraŭ, jakija prybyli ŭ aeraport Zaparožža z Varšavy, havorycca ŭ paviedamleńni viedamstva.
U pahransłužbie rastłumačyli, što adnamu z akcioraŭ zabaranili pierasiakać miažu z-za naviedvańnia «akupavanaj terytoryi Kryma». Jamu taksama admovili va ŭjeździe va Ukrainu i pastavili adpaviednuju adznaku ŭ pašparcie. Jašče traich rasijanaŭ nie prapuścili praź miažu, bo jany nie zmahli patłumačyć mety znachodžańnia ŭ krainie.
Pahransłužba nie ŭdakładniła, pra jakich mienavita akcioraŭ idzie havorka. Pa dadzienych «Ukrinfarm», va ŭjeździe ŭ krainu admovili akcioru Siarhieju Kaleśnikavu, a aktrysa Łarysa Udavičenka i dvoje jaje supravadžajučych nie zmahli rastłumačyć metu svajho znachodžańnia.
