Čarhovy prykład ahradyzajnu? Na Zamkavaj hary ŭ Navahrudku pastavili lichtar FOTY
Na adzinoki lichtar prosta pierad zamkam źviarnuŭ uvahu krajaznaŭca Pavieł Dziusiekaŭ, jaki byŭ u Navahrudku ŭ hetuju subotu.
«Dazvolcie paznajomić vas z cudoŭnym prykładam ahraŭparadkavańnia zamkavaj hary byłoj stalicy VKŁ! — napisaŭ jon u fejsbuku. — Mabyć, ŚMI zmohuć pacikavicca ŭ navahradskich čynoŭnikaŭ, chto daŭ dazvoł na taki «dekor» suśvietna znakamitaha miesca i kali prybiaruć hety treš?!»
«Naša Niva» pacikaviłasia. Akazałasia, hety lichtar — časovaja kanstrukcyja.
«Heta časovaje aśviatleńnie, kab možna było zakryć śviatočnyja navahodnija mierapryjemstvy. Mierapryjemstvy ŭsie ŭžo skončylisia, kanstrukcyja budzie demantavana. ŽKH pracuje nad hetym»,
— patłumačyła načalnica adździeła kultury Navahrudskaha rajvykankama Maryna Šabanovič.
Jana dadała, što ŭ hetym hodzie płanujecca dobraŭparadkavańnie Zamkavaj hary. U tym liku pradumajuć i sučasnaje aśviatleńnie. Bolš padrabiazny płan rabot budzie viadomy ŭ kancy lutaha.
Vylecieła ŭ nieviadomym kirunku śpikierka KR Anžalika Mielnikava30
Kamientary