ŚMI: Hulcy «Homiela» mahli atrymać 22 tysiačy dalaraŭ za razhromnyja parazy ad BATE i bresckaha «Dynama»
Pa źviestkach pressball.by, futbalisty «Homiela» ŭ siezonie 2018 zarabili 22 tysiačy dalaraŭ za dva damoŭnyja matčy suprać BATE (0:3) i bresckaha «Dynama». Adnym ź ich hałoŭnych fihurantaŭ byŭ rasijski lehijanier «Homiela» Dźmitryj Ajdaŭ, jaki trapiŭ u śpis 35 hulcoŭ, jakim vystavili abvinavačvańni ŭ suviazi z udziełam u damoŭnych matčach.
U «śpisie-35» tolki adzin čałaviek, źviazany z kamandaj, — rasijanin Dźmitryj Ajdaŭ. U suviazi z tym, što jon źjaŭlajecca hramadzianinam inšaj krainy, jaho sprava vydzielena ŭ asobnuju vytvorčaść.
Jak miarkujecca, siarod padazronych — dva matčy z udziełam «zialona-biełych» u čempijanacie-2018. Pieršy — pajadynak 11-ha tura BATE — «Homiel» (13.06.2018, 3:0). Pa źviestkach vydańnia, zakazčyki pieradali hulcam sumu ŭ pamiery 10 tysiač dalaraŭ za zabieśpiačeńnie patrebnaha vyniku — a mienavita projhryšu z roźnicaj nie mienš čym u try hały. Druhaja sustreča — hulnia 14-ha tura «Homiel» — «Dynama» (Brest) (29.06.2018, 0:6). Za zabieśpiačeńnie parazy z patrebnaj roźnicaj u hetym pajadynku hamielčukam nibyta prapanavali 12 tysiač dalaraŭ.
Kamientary