Hienieralny sakratar AAN Antoniu Huteryš nazvaŭ čatyry vieršniki apakalipsisu, što najbolš pahražajuć śvietu. Pavodle jaho słoŭ, heta hieapalityčnaja napružanaść, źmieny klimatu, hłabalny niedavier i złoŭžyvańnie novymi technałohijami, piša TASS.
Huteryš udakładniŭ, što z-za hieapalityčnaj napružanaści terakty zabirajuć novyja achviary i raście jadziernaja pahroza. «Bolš ludziej vymušanyja pakinuć svaje damy z-za vajny i pieraśledaŭ, čym kali-niebudź paśla Druhoj suśvietnaj vajny», - adznačyŭ jon.
Havoračy ab druhim vieršniku apakalipsisu, hienieralny sakratar AAN patłumačyŭ, što miljonam žyvych istot u najbližejšy čas budzie pahražać vymirańnie. «Naša płanieta haryć», — skazaŭ Huteryš.
Hłabalny niedavier, na dumku kiraŭnika suśvietnaj arhanizacyi, pryvioŭ da taho, što dva čałavieki z troch žyvuć u krainach, dzie vyrasła niaroŭnaść.
Jašče adna prablema zaklučajecca ŭ złoŭžyvańni technałahičnym prahresam, ličyć Huteryš. Jon adznačyŭ, što, niahledziačy na vielizarnyja vyhody, jakija niasuć novyja technałohii, niekatoryja vykarystoŭvajuć ich dla ździajśnieńnia złačynstvaŭ, raspalvańnia nianaviści, raspaŭsiudžvańnia fejkaŭ, pryhniotu i ekspłuatacyi ludziej, a taksama dla parušeńnia pryvatnaha žyćcia.
Kamientary