Nazirańni apošniaha paŭstahodździa pakazvajuć, što siaredniaja tempieratura čałaviečaha cieła źnižajecca z chutkaściu prykładna 0,2 hradusa za dziesiacihodździe. Navukoŭcy razychodziacca ŭ tłumačeńniach, čamu takoje adbyvajecca i da čaho pryviadzie.
U 1851 hodzie niamiecki doktar Karł Vunderlich abśledavaŭ 25 tysiač žycharoŭ horada Lejpcyh i vyjaviŭ, što siaredniaja tempieratura čałaviečaha cieła składaje 37 hradusaŭ Celsija.
Choć tempieratura adroźnivajecca ad čałavieka da čałavieka, hetaja miaža — 37 hradusaŭ — doŭhi čas zastavałasia miedyčnaj normaj.
Adnak amierykanskaje daśledavańnie 1992 hoda pakazała, što siaredniaja tempieratura cieła składaje 36,8 hradusa. A brytanskaje daśledavańnie 2017 hoda, jakoje achapiła 35 tysiač čałaviek, dało ličbu 36,6 hradusa.
Novaje daśledavańnie miedykaŭ sa Stenfardskaha ŭniviersiteta (ZŠA) pakazvaje, što čałaviečaje cieła, sapraŭdy, astyvaje.
Daśledčyki pakul nie viedajuć, što mienavita mianiaje tempieraturny bałans arhanizma. Na ich dumku, pryčynaj moža być bolš kamfortnyja ŭmovy žyćcia čałavieka. Ciapier u damach našmat ciaplej, čym było ŭ XIX stahodździ. Akramia taho, palepšała hihijena, ludzi mienš sutykajucca ź mikraarhanizmami.
Inšaja mahčymaja pryčyna — pieramoha nad suchotami, na jakija daŭniej chvareła vialikaja dola nasielnictva. U sučasnym śviecie našmat mienš ludziej chvarejuć i na malaryju, majuć ahmiani infiekcyi ŭ zubach.
«Zapaleńnie sparadžaje ŭsialakija białki i cytakiny, jakija aktyvizujuć abmien rečyvaŭi pavyšajuć tempieraturu», — kaža adna z daśledčyc.
Kamientary