Minzdaroŭja: U dziaŭčyny, što viarnułasia z Kitaja i była špitalizavana ŭ infiekcyjnuju balnicu, hryp B
Pres-słužba Ministerstva achovy zdaroŭja prakamientavała vypadak sa špitalizavanaj 21 studzienia 21-hadovaj dziaŭčynaj, što była ŭčora špitilizavanaja ŭ Minskuju infiekcyjnuju balnicu sa skarhami na boli ŭ ciahlicach, pavyšeńniem tempieratury da 38,5°S, kašlem. Papiaredni dyjahnaz — vostraja reśpiratornaja virusnaja infiekcyja, paviedamlaje pres-słužba viedamstva.
Na siońnia dziaŭčyna znachodzicca, jak i inšyja pacyjenty ź niepaćvierdžanymi dyjahnazami, u asobnym boksie. U jaje ŭziatyja analizy na reśpiratornuju hrupu virusaŭ.
Siońnia ŭ balnicy byŭ praviedzieny kansilium z udziełam —hałoŭnaha doktara Minskaj infiekcyjnaj balnicy Mikałaja Juroŭskaha, namieśnika hałoŭnaha ŭrača pa miedycynskaj častcy Śviatasłava Vielhina i prafiesara, zahadčyka kafiedry infiekcyjnych chvarob BDMU, doktara miedycynskich navuk Ihara Karpava.
Vystaŭleny dyjahnaz, jaki na hety momant užo paćvierdžany łabaratorna — hryp V, siaredniaj stupieni ciažkaści. Pravodzicca łabaratornaje daśledavańnie dla vyklučeńnia napłastavańni karanavirusnaj infiekcyi.
Kamientary