Tankier Breiviken z narviežskaj naftaj, pryznačanaj dla NPZ «Naftan», uvajšoŭ u port Kłajpiedy. Pra heta śviedčać źviestki śpiecyjalizavanaha partała marinetraffic.com.
Płanavałasia, što sudna, na jakim znachodzicca 80 tysiač ton nafty hatunku Johan Sverdrup, pavinna było dabracca da Kłajpiedy jašče ŭčora, adnak hetamu pieraškodziŭ mocny viecier na Bałtycy. U suviazi z rezkim paharšeńniem nadvorja, jakoje spravakavała chvali vyšynioj da troch mietraŭ, tamu ŭ porcie litoŭskaha horada byŭ abmiežavany ruch sudoŭ.
Miarkujecca, što razhruzka tankiera moža pačacca ŭžo siońnia. Paśla čaho syravina pavinna być adpraŭlena pa čyhuncy na «Naftan».
Raniej Alaksandr Łukašenka zajaviŭ ab nieabchodnaści pošuku alternatyŭnych pastaŭščykoŭ nafty, a taksama pastaviŭ zadaču dyviersifikavać pastaŭki čornaha zołata: 30-40% pavinna pastaŭlacca z Rasii, 30% - z Bałtyki, jašče 30% - praz Ukrainu, piša sb.by.
Kamientary