Alaksandr Łukašenka płanuje pravieści vialikuju sustreču z navukoŭcami dla adkrytaha abmierkavańnia prablem u ich śfiery. Pra heta jon zajaviŭ siońnia ŭ čas razmovy z navukovymi i navukova-piedahahičnym rabotnikami paśla cyrymonii ŭručeńnia dypłomaŭ doktara navuk i atestataŭ prafiesara, pieradaje BIEŁTA.
Staršynia Prezidyuma Nacyjanalnaj akademii navuk Uładzimir Husakoŭ padziakavaŭ kiraŭniku dziaržavy za sustreču i zaprasiŭ jaho pabyvać u navukoŭcaŭ u haściach. «Hatovyja pakazać i elektratranspart, i inšyja raspracoŭki. Usie daručeńni na kantroli», — adznačyŭ jon.
«Dobra, ja pryjedu na «Teśle», pastaŭlu pobač, — zajaviŭ Łukašenka. — Abaviazkova pryjedu dla takoj ščyraj, jak siońnia, razmovy, bo razumieju, što my prosta našych navukoŭcaŭ nie aryjentujem. Jany atrymlivajuć niešta sa ŚMI, inšych niejkich krynic. Raniej, u savieckija časy, usio-taki było pa-inšamu. Nam treba infarmavać nie tolki pracoŭnyja kalektyvy — my heta robim čaściej, čym navukoŭcaŭ. A što takoje navukoviec? Ty jaho prainfarmavaŭ — jon zaŭtra tysiačy ludziej paviadzie za saboj u ideałahičnym płanie».
«Tamu my sustreniemsia z navukoŭcami dla taho, kab adkryta pra žyćcio pahavaryć, pra palityku našaj dziaržavy. Mnie vielmi važna było b, kab navukoŭcy adkryta vykazalisia», — skazaŭ na zakančeńnie Alaksandr Łukašenka.
Kamientary