Novyja 15 sutak «Šeramu katu». Ahułam błohieru prysudzili 120 sutak za minskija pratesty
Źmitru Kazłovu (błohier «Šery kot») sudździa Taćciana Šocik prysudziła siońnia čarhovyja 15 sutak aryštu za akcyju ŭ Minsku 8 śniežnia, pavodle č. 3 art. 23.34 KaAP. Usie papiarednija sudy nad Kazłovym za śniežańskija akcyi skančalisia adnolkava: 7 razoŭ pa 15 sutak, ahułam užo 120 sutak aryštu, nahadvaje spring96.org
Sam Kazłoŭ na pasiadžeńnie nie pryjšoŭ, i jaho intaresy pradstaŭlała advakatka. Jana zajaviła advod sudździ, adnak jaho nie zadavolili.
Śviedkami vystupili milicyjaniery Andrej Cichanaŭ i Dźmitryj Karanieŭski. Cichanaŭ admaŭlaŭsia skazać, jak jon apaznaŭ Kazłova, bo ŭ raparcie ŭkazana, što asobu vyznačyŭ paźniej, a ŭ sudzie jon skazaŭ, što paznaŭ błohiera adrazu. Šmat na jakija pytańni adkazvaŭ «Nie pamiataju». Karanieŭski skazaŭ u sudzie, što viedaŭ «Šeraha kata» jak błohiera, a paźniej vyznačyŭ, što heta mienavita Kazłoŭ. Nichto ź milicyjantaŭ nie zmoh nazvać dziejańni ŭdzielnikaŭ akcyi, jakija parušali b hramadski paradak, akramia taho, što jany tam prosta znachodzilisia.
Błohier Šery Kot niečakana vyjšaŭ na volu. Ahułam jamu dali 90 sutak aryštu
Ciapier čytajuć
Cichanoŭski raskazaŭ, što treba było rabić u žniŭni 2020-ha56
Kamientary