Idealnaja zimovaja strava: kukuruznyja šaryki ź miasnym rahu
Kali ŭ mianie zapytacca, jakuju stravu ja liču idealnaj na zimu, to, ščyra kažučy, ja razhublusia i nie zmahu nazvać niešta adno. Ale ja ŭpeŭniena, što takaja strava pavinna vałodać nastupnymi jakaściami: być haračaj, hustoj i z mnostvam śpiecyj. Tamu dla mianie zima — heta pieryjad hustych supoŭ, u jakich moža stajać łyžka, roznych rahu sa śpiecyjami i haračych morsaŭ.
I siońnia padzialusia receptam adnaho z takich rahu. A iskrynkaj hetaj stravy źjaŭlajucca šaryki z kukuruzavych krupaŭ — pahadziciesia, nie časta my takoje robim.
Na miasnoje rahu:
- 800 hr. śvininy
- 2 cybuliny
- 2 zubčyki časnaku
- 50 hr. tamatnaj pasty
- 100 hr. hreckich arechaŭ
- 1 st. ł. papryki
- 1 č. ł. suchoj adžyki
- 1 č. ł. chmieli-sunieli
- 3 harošyny čornaha piercu
- 2 łaŭrovyja listy
- 1 st.ł. sumiesi suchich traŭ (naprykład, piatruška, bazilik, čabor)
- sol, pierac
Miasa narazajem kubikami pa 1,5—2 sm. Kładziom u rondal, zalivajem chałodnaj vadoj (kab vada pakryvała miasa na 2 palcy). Davodzim da kipieńnia, zdymajem pienku i varym na maleńkim ahni 30—40 chvilin.
Tym časam drobna narazajem cybulu i časnok, dadajom da miasa razam z tamatnaj pastaj i ŭsimi śpiecyjami. Solim, pierčym i varym jašče chvilin 20. Za 5 chvilin da kanca dadajom drobna parublenyja arechi.
Na šaryki:
- ⅔ šklanki kukuruzavych krup
- 2 šklanki vady
- sol.
Krupy zalivajem vadoj, solim i davodzim da kipieńnia. Varym chvilin 10, pastajanna pamiešvajučy. Moža spatrebicca bolš času — hałoŭnaje, kab kaša stała vielmi hustoj. Dajom joj trochi sastyć i pačynajem rabić z kašy šaryki, dyjamietram 1,5—2 sm. Kładziom šaryki na blachu i zapiakajem 10—15 chvilin u duchoŭcy pry 180 hradusach (kali ŭ vas jość kanviekcyja, to ŭklučycie jaje).
Padajom razam šaryki z kukuruzavych krup i miasnoje rahu. Smačna jeści!
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary