Fota Nadziei Bužan
Pasoł Rasii ŭ Biełarusi Dźmitryj Mieziencaŭ padkreślivaje zacikaŭlenaść novaha składu ŭrada RF u praciahu pracy pa pahłybleńni intehracyi ź Biełaruśsiu na asnovie padrychtavanych u minułym hodzie 30 darožnych kart, niahledziačy na situacyjnuju sprečku pamiž pradpryjemstvami pa ŭmovach pastaŭki enierharesursaŭ u respubliku, piša Interfax.by
«Vynikam 2019 hoda źjaŭlajecca ŭzhadnieńnie abo zbližeńnie pazicyj praktyčna pa ŭsich 30 darožnych kartach. Heta vielmi važny vynik, jaki paćviardžaje maštab i hłybiniu intehracyjnaj raboty», — skazaŭ Mieziencaŭ žurnalistam u sieradu ŭ Minsku.
Pavodle jaho słoŭ, u RF zaviaršajecca «naładžvańnie novaha kiraŭnickaha składu ŭrada». Pry hetym pasoł nahadaŭ, što praź niekalki dzion paśla zaćviardžeńnia novaha składu ŭrada adbyłasia sustreča premjer-ministra Biełarusi Siarhieja Rumasa i premjer-ministra RF Michaiła Mišuścina.
Pasoł taksama padkreśliŭ, što «pa absalutnaj bolšaści darožnych kart albo znojdziena poŭnaje parazumieńnie, albo zbližeńnie padychodaŭ takoje, što možna kazać ab tym, što vyniki takoj pracy buduć paśpiachova praciahnutyja z vychadam na vynik u najbližejšyja miesiacy, u najbližejšy čas».
