Fota Nadziei Bužan
10 lutaha sud Škłoŭskaha rajona razhledzieŭ spravu lidara Partyi BNF Ryhora Kastusiova. Za ŭdzieł u akcyi suprać «pahłyblenaj intehracyi» u Minsku letaś 20 śniežnia sudździa Śviatłana Barancava pakarała palityka štrafam u 810 rubloŭ, piša Radyjo Svaboda.
Jak udakładniŭ Ryhor Kastusioŭ, praces pačaŭsia jašče 28 śniežnia, ale niekalki razoŭ pieranosiŭsia praz adsutnaść śviedkaŭ. Partyjny funkcyjanier spadziavaŭsia, što, jak i ŭ vypadku ź Viačasłavam Siŭčykam, sprava budzie spynienaja za terminam daŭnaści pravaparušeńnia.
Adnak hetym razam była naładžanaja skajp-suviaź ź Minskam. Milicyjanty-śviedki paćvierdzili, što bačyli abvinavačanaha padčas niesankcyjanavanaj akcyi, udzielniki jakoj byli papiaredžanyja pra jaje niezakonnaść. Vyrak — 30 bazavych vieličyń.