Fota Nadziei Bužan
Na pracesie nad aktyvistami anarchisckaha ruchu Mikitam Jemialjanavym i Ivanam Komaram, jaki z 6 lutaha prachodzić u Savieckim rajonnym sudzie Minska, pačalisia sudovyja sprečki, paviedamlaje «Radyjo Svaboda».
Dziaržaŭny abvinavaŭca Maksim Sieniŭ zajaviŭ sudu, što ličyć dakazanaj vinu Mikity Jemialjanava i Ivana Komara ŭ paškodžańni budynkaŭ Minskaha śledčaha izalatara i Minskaha haradskoha suda paŭtorna i ŭ składzie hrupy, a taksama ŭ vyrabie, zachavańni i pieravozie niebiaśpiečnaha prystasavańnia.
Budynak «Vaładarki» pavodle prakurora jość histaryčnaj kulturnaj kaštoŭnaściu, što praduhledžvaje bolš ciažkuju adkaznaść. U vyniku prakuror Sieniŭ paprasiŭ sud pakarać aktyvistaŭ 7 hadami pazbaŭleńnia voli ŭ kałonii ŭzmocnienaha režymu. Pavodle dziaržaŭnaha abvinavaŭcy dokazami viny aktyvistaŭ jość videazapisy, pakazańni śviedak i danyja ekśpiertyz.
U sudzie Mikita Jemialjanaŭ pryznaŭ vinu častkova, Ivan Komar całkam nie pryznaŭ viny ŭ napadzie na budynki, chacia i nie admaŭlaŭ, što zdymaŭ na videa napad Jemialjanava na «Vaładarku».
Taksama Ivan Komar na pracesie skazaŭ, što padčas śledstva jaho źbivali, kab atrymać patrebnyja pakazańni. Abodva aktyvisty nazvali metaj praviedzienych akcyj salidarnaść sa Źmitrom Palijenkam dy inšymi palitviaźniami.
Sudziać anarchistaŭ, jakija niaŭdała sprabavali dakinuć «kaktejl Mołatava» da Vaładarki. Škoda — 1,5 rubla FOTY
