Administracyjnyja pravaparušeńni prapanujuć raźbić na try katehoryi pa ciažary, a štraf možna budzie apłacić sa źnižkaj
Pry pracy nad novym KaAP administracyjnyja pravaparušeńni prapanujecca raźbić na niekalki asnoŭnych katehoryj u zaležnaści ad ich ciažaru, paviedamiŭ žurnalistam ministr justycyi Aleh Śližeŭski, pieradaje BiełTA.
«Prapanujecca ŭvieści try katehoryi — praviny (jakija nie pradstaŭlajuć vialikaj hramadskaj niebiaśpieki i praduhledžvajuć niaznačnyja sankcyi, takija jak papiaredžańnie, vusnaja zaŭvaha abo štraf da 10 bazavych), značnyja i hrubyja pravaparušeńni. Umoŭna try katehoryi, jakija mohuć źmianiacca pa nazvach i pa padychodach, ale pakul što razhladajucca takija varyjanty», — skazaŭ Aleh Śližeŭski.
Pry hetym adniasieńnie da toj ci inšaj katehoryi budzie ŭpłyvać i na termin, pa zakančeńni jakoha budzie ličycca, što čałaviek nie padpadaŭ pad administracyjnaje spahnańnie. Naprykład, za pravinu adrazu ž paśla vyniasieńnia papiaredžańnia, abjaŭleńnia vusnaj zaŭvahi ci vypłaty štrafu budzie ličycca, što čałaviek nie pryciahvaŭsia da adkaznaści. Pa druhoj katehoryi, miarkujecca, hety termin budzie roŭny paŭhoda, pa treciaj, jak i siońnia, — hod.
Akramia taho, razhladajecca pytańnie ab užyvańni tak zvanych stymulacyjnych źnižak pry vypłacie štrafu. Taki padychod, jak čakajuć, budzie stymulavać hramadzian da dobraachvotnaj i apieratyŭnaj apłaty.
Na siońnia ŭžo padrychtavany asnoŭnyja prapanovy pa karekciroŭcy Ahulnaj častki Kodeksa ab administracyjnych pravaparušeńniach. Usie prapanovy, u tym liku nazvanyja, jašče buduć abmiarkoŭvacca rabočaj hrupaj, skazaŭ Aleh Śližeŭski.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie11
Kamientary