Wikimedia Commons
Iran hatovy vieści pieramovy ź Biełaruśsiu pa pytańni pastaŭki nafty, zajaviŭ u intervju «Interfaksu-Zachad» pasoł Irana ŭ Minsku Said Jary.
«My całkam hatovyja vieści pieramovy ź biełaruskim bokam i pradavać joj naftu. Ale heta čysta kamiercyjnaje pytańnie», — skazaŭ Jary.
Dypłamat adznačyŭ, što jak adzin z najbujniejšych pastaŭščykoŭ nafty ŭ śviecie, Iran zaŭsiody šukaje mahčymaści dla jaje prodažu. «Biełaruś źjaŭlajecca patencyjnym pakupnikom. Tym bolš, jana ŭžo kuplała naftu ź Irana», — dadaŭ pasoł.