Z Uchania nie evakujavali ŭkrainku, jakaja nie zachacieła kinuć sabaku. Zialenski asabista patelefanavaŭ dziaŭčynie i paabiacaŭ dapamohu
Anastasii Zinčanka admovili va evakuacyi z achoplenaha karanavirusam Uchania. Dziaŭčyna padała zajavu, adpraviła ankietu, fota pašparta i vizy dla evakuacyi, ale pasolstva admoviła: sabaka nie mieŭ patrebnych dakumientaŭ.
Zhodna z pastanovaj Ministerstva ahrarnaj palityki i charčavańnia Ukrainy dla pieravozki žyvioły za miažu (z-za miažy) patrebnyja pryščepki i inšyja dakumienty, kab prajści ŭsie sanitarnyja normy.
Dziaŭčyna adznačyła, što ŭ Mišy jość pašpart z pryščepkami (da 30 červienia 2020) i jość čyp. Jana taksama była hatova za svaje hrošy adpravić sabaku ŭ karancin i zrabić usie nieabchodnyja dakumienty, ale paśla taho, jak ich viernuć va Ukrainu.
Va Uchani heta zaraz zrabić niemahčyma z-za taho, što horad całkam začynieny i vieterynarnyja kliniki nie pracujuć.
U vyniku dziaŭčyna vyrašyła nie kidać Mišu i zastałasia ŭ Kitai.
Historyja šyroka razyšłasia pa internecie, i Uładzimir Zialenski asabista patelefanavaŭ Anastasii.
Padčas razmovy jon raspavioŭ, što tolki niadaŭna daviedaŭsia pra toje, što žycharka krainy zastałasia ŭ Kitai. Jon paabiacaŭ uziać situacyju pad asabisty kantrol.
U svaju čarhu, Zinčanka vykazała nadzieju, što chutka jana i jaje sabaka viernucca na radzimu. Prezident zapeŭniŭ dziaŭčynu, što ŭžo rychtujecca praces jaje evakuacyi va Ukrainu.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary