U Biarozie abviaścili prysud 22-hadovamu Arciomu Słaščyninu, jaki amal dva hady tamu urezaŭsia na BTRy ŭ małakavoz — i surjoznyja traŭmy atrymaŭ jaho kiroŭca, paviedamlaje Tut.by
Sud pryznaŭ chłopca vinavatym u parušeńni praviłaŭ kiravańnia bajavoj mašynaj, jakoje paciahnuła pa nieaściarožnaści pryčynieńnie ciažkaha cialesnaha paškodžańnia. Jamu dali 1 hod pazbaŭleńnia voli i zabaranili na toj samy termin kiravać transpartnymi srodkami. Asnoŭnaje i dadatkovaje pakarańnie abvinavačanamu pryznačyli z adterminoŭkaj na 1 hod.
Prysud nie ŭstupiŭ u zakonnuju siłu i moža być abskardžany.
U avaryju Arciom Słaščynin trapiŭ, kali prachodziŭ terminovuju słužbu. Pa viersii abvinavačvańnia, 28 maja Arciom jechaŭ na BTR-80 u składzie arhanizavanaj vajennaj kałony pa vulicy Lenina ŭ Biarozie. Chutkaść bajavoj mašyny składała kala 40 km/h, a da piaredniaha aŭtamabila dystancyja składała prykładna 80 mietraŭ. Kiroŭca BTRa pierad skryžavańniem bačyŭ, što jamu hareła čyrvonaje, ale praciahnuŭ ruch, nie pierakanaŭšysia, što manieŭr biaśpiečny. U vyniku bronietransparcior urezaŭsia ŭ MAZ, kiroŭca jakoha nie moh zahadzia zaŭvažyć arhanizavanuju kałonu i jechaŭ na zialony.
U avaryi paciarpieŭ kiroŭca małakavoza. Ź pierałomam ściahna jaho špitalizavali ŭ balnicu. Praviedzienaja ekśpiertyza adniesła jaho traŭmu da ciažkich cialesnych paškodžańniach.
U sudzie abvinavačvany svaju vinu pryznaŭ całkam, a paciarpieły prasiŭ vyzvalić chłopca ad kryminalnaj adkaznaści.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary