Heta zdaryłasia 4 śniežnia, paviedamlaje SK. 43-hadovy mužčyna viartaŭsia dadomu ź Viciebska ŭ adnu ź viosak rajona. Kali jon znachodziŭsia na aŭtobusnym prypynku, maršrutka, na jakoj jon płanavaŭ źjechać z horada, prajechała mima, bo hetaha prypynačnaha punkta nie było ŭ maršrucie.
Mužčyna razzłavaŭsia, vyklikaŭ taksi, na im abahnaŭ maršrutku, čakajučy jaje na inšym prypynku. Kali jana padjechała, mužčyna ŭvajšoŭ u sałon i ŭdaryŭ kiroŭcu pa tvary, a zatym vyjšaŭ z aŭtamabila. Kiroŭca maršrutki patelefanavaŭ u milicyju i paviedamiŭ pra zdareńnie.
Mužčynu chutka znajšli, jon byŭ zatrymany. Viciebskim rajonnym adździełam SK u dačynieńni da mužčyny raspačata kryminalnaja sprava pa artykule «chulihanstva». U chodzie dopytu jon rastłumačyŭ, što pryčynaj dadzienaha ŭčynku stali złość i kryŭda na kiroŭcu, bo toj nie spyniŭsia.
Akramia hetaha, u chodzie praviadzieńnia pieratrusu pa miescy žycharstva pry asabistaj prysutnaści ŭ padazravanaha była vyjaŭlenaja marychuana masaj bolš za try hramy.
Mužčynu pradjavili abvinavačvańnie pa č. 1 art. 328 (Niezakonnaje biez mety zbytu nabyćcio, zachoŭvańnie narkatyčnych srodkaŭ) i č. 1 art. 339 (Chulihanstva) KK Biełarusi.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary