Ajcišnicu Volhu Małkinu aštrafavali za abrazu biełaruskaj movy na 10 bazavych vieličyniaŭ. Heta maksimalna mahčymaje pakarańnie pa artykule 9.22 KaAP «Parušeńnie zakanadaŭstva ab movach».
Pra heta Minharvykankam paviedamiŭ Iharu Słučaku, jaki, ułasna kažučy, i zapatrabavaŭ pryciahnuć jaje da adkaznaści.
«Ja viedaju 4 [movy], akramia moŭ prahramavańnia. Naturalna brydkuju biełmovu i nie razhladała dla vyvučeńnia. Naŭmysna. Svaju by*łamovu sami vučycie», — napisała Volha Małkina ŭ sacsietkach.
Dziaŭčyna była pierakananaja, što niama nijakich dokazaŭ jaje pravaparušeńniu.
«Heta cyrk na drocie! U ich nie prymuć zajavu, dokazaŭ niama. Skryny — nie dokazy. Ja ŭ fotašopie taki za čatyry chviliny zrablu ź lubym tekstam», — zapeŭnivała Volha Małkina «Našu Nivu». Ciapier jana abaviazanaja spłacić 270 rubloŭ.
Čytajcie. «Cyrk na drocie! Svaju by*łamovu sami vučycie». Minskaja ajcišnica vykazałasia pra biełaruskuju movu
Instrukcyja, što rabić, kali vy ŭbačyli abrazu biełaruskaj movy
