Alaksandr Łukašenka zrabiŭ kadravyja pryznačeńni ŭ kiraŭnictvie Hienieralnaha štaba i kamandavańni vojskami Zachodniaha apieratyŭnaha kamandavańnia Uzbrojenych Sił, paviedamlaje BiełTA.
Hienierał-major Ihar Karol pryznačany pieršym namieśnikam načalnika Hienieralnaha štaba Uzbrojenych Sił. Jon vyzvaleny ad pasady namieśnika načalnika Hienštaba pa bajavym kiravańni.
Načalnikam upraŭleńnia terytaryjalnaj abarony — namieśnikam načalnika Hienieralnaha štaba Uzbrojenych Sił — pryznačany hienierał-major Rusłan Kasyhin. Na pasadu načalnika štaba — pieršaha namieśnika kamandujučaha vojskami Zachodniaha apieratyŭnaha kamandavańnia Uzbrojenych Sił, što jon raniej zajmaŭ, — pryznačany pałkoŭnik Uładzimir Kupryjaniuk.
Na pasadu kamandujučaha vojskami Zachodniaha apieratyŭnaha kamandavańnia Uzbrojenych Sił pryznačany pałkoŭnik Viktar Hulevič.
Taksama Łukašenka 21 lutaha padpisaŭ ukazy ab prysvajeńni śpiecyjalnaha i voinskich zvańniaŭ, paviedamlaje BiełTA.
Pałkoŭnikam Siarhieju Hładyšavu, Kanstancinu Kučynskamu, Iharu Dziemidzienku i Siarhieju Zajcavu prysvojeny čarhovyja voinskija zvańni hienierał-majora. Pałkoŭniku milicyi Iharu Ščarbačeni prysvojena čarhovaje śpiecyjalnaje zvańnie hienierał-majora milicyi.
