U sakaviku na dva dni začyniać šeść stancyj mietro. Jak ludzi buduć dabiracca?
Častka druhoj linii mietro ad «Frunzienskaj» da «Kamiennaj Horki» mohuć zakryć na dva dni ŭ sakaviku. Heta treba dla budaŭnictva prymykańnia treciaj linii. U arhanizacyi «Staličny transpart i suviaź» tut.by raspaviali, jak možna kampiensavać zakryćcio šaści stancyj padziemki.
Ciapier «Minskmietrabud» nazyvaje takija dni zakryćcia šaści stancyj minskaha mietro — vychadnyja 21 i 22 sakavika.
— Ale hetyja daty pakul nie ŭzhodnienyja, rašeńnie Minharvykankama pa hetym pytańni jašče nie padpisana, — tłumačyć namieśnik načalnika adździeła arhanizacyi pasažyrskich pieravozak HU «Staličny transpart i suviaź» Alaksiej Kasinski.
Tamu transpartniki pakul havorać tolki pra prybliznyja płany pa kampiensacyjnych naziemnych maršrutach.
— Jak miarkujecca, buduć dva časovyja maršruty pa Prytyckaha, što dublujuć mietro — ad stancyi «Frunzienskaja» da «Kamiennaj Horki». Adzin — chutkasny aŭtobusny z prypynkami tolki kala stancyj mietro. Druhi — tralejbusny, jaki budzie iści z usimi prypynkami, — kaža Alaksiej Kasinski.
Časovyja maršruty buduć ruchacca ź intervałami ŭ dźvie-try chviliny. Dublujučy transpart budzie pracavać z 5.30 da 1.00, zhodna z režymam mietro.
Akramia arhanizacyi dvuch časovych maršrutaŭ da «Frunzienskaj», transpartniki pasprabujuć adciahnuć pasažyraŭ na inšyja stancyi mietro.
Alaksiej Kasinski dadaje, što naziemny transpart moža spravicca z kampiensacyjaj zakrytych stancyj mietro mienavita ŭ vychodnyja.
— Ciahnik mietro mieścić tysiaču čałaviek, kab zamianić adzin taki sastaŭ, treba šeść-siem sastaŭnych aŭtobusaŭ i tralejbusaŭ. Tamu ŭ budni, kali mietro pieravozić da 30 tysiač čałaviek u hadzinu, naziemny transpart fizična nie zdužaje takuju płyń. Ale ŭ vychodny dzień na hetym učastku linii pieramiaščajucca paradku 6 tysiač pasažyraŭ u hadzinu, — tady naziemny transpart, viadoma, spravicca z nahruzkaj.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary