Kanapackaja pra zdymak z dekalte: Hetym fota ja pakazvaju svaju paśpiachovaść
U razmovie z karespandentam «Našaj Nivy» eks-deputatka Pałaty pradstaŭnikoŭ Hanna Kanapackaja prakamientavała svoj nieadnaznačny zdymak, jakim supravadziła zvarot da kankurenta pa prajmieryz Mikałaja Kazłova.
«NN»: Vašaje haračaje fota, jakoje vy dadali ŭ toj dopis: ci nie nadta hullivaja ilustracyja dla palityčnych zajaŭ?
Hanna Kanapackaja: Vy ličycie, što biełaruskaja žančyna nie moža pakazać svaju paśpiachovaść? I niavažna, u čym hetaja paśpiachovaść prajaŭlajecca: u hramadskim žyćci, u dobrym vyhladzie, u palitycy, u biznesie… Čamu nie?
«NN»: Nu, ja baču ŭ tym fota nie paśpiachovaść, a, chutčej, seksualny padtekst.
HK: A vy ličycie, što seks nie źjaŭlajecca častkaj žyćcia luboha biełaruskaha hramadzianina, choć žančyny, choć mužčyny?
«NN»: Prosta takoje fota, moža być, było b bolš darečnaje ŭ cindary, a nie ŭ fejsbuku, pad palityčnaj zajavaj kandydata ŭ prezidenty?
HK: A na jakoj padstavie vy robicie hetuju zajavu? Ja hetym fotazdymkam pakazvaju svaju paśpiachovaść u raznastajnych halinach žyćcia. I kali chtości bačyć u hetym inšy padtekst — to tut usie pytańni da taho čałavieka, jaki toj padtekst bačyć.
Voś ja, kali hladžu na svaje fota, baču paśpiachovaha čałavieka, jaki šmat čaho dabiŭsia ŭ biznesie, u palitycy i ŭ asabistym žyćci. I jaki, kali pryjdzie da ŭłady, staŭšy prezidentam, budzie raspaŭsiudžvać hety pośpiech na astatnich.
«NN»: A jak vy staviciesia da taho, što vašuju asobu pieratvarajuć u štości nakštałt seks-simvała ad apazicyi? Taki status seks-simvała ŭsprymicie jak kamplimient ci naadvarot, jak niešta niepažadanaje?
HK: Tak, heta ŭsprymu pazityŭna.
Kamientary