U Japonii zaviaršyli evakuacyju kruiznaha łajniera, jaki stajaŭ na karancinie
Apošniaja hrupa ludziej evakuiravałasia z kruiznaha łajniera Diamond Princess, jaki stajaŭ na karancinie la bierahoŭ Japonii z-za ŭspyški novaha karanavirusa, paviedamlaje NHK.
U niadzielu, 1 sakavika, sudna pakinuli kala 130 členaŭ ekipaža. Evakuacyja členaŭ ekipaža, čyje analizy na karanavirus byli admoŭnymi, pačałasia ŭ čaćvier, 26 lutaha.
Ich źmieściać na dvuchtydniovy karancin u dziaržaŭnuju ŭstanovu. Ich adpuściać paśla paŭtornych analizaŭ, kali ich vyniki buduć admoŭnymi.
Ciapier kruizny łajnier pradezinfikujuć i adpraviać na techničnaje absłuhoŭvańnie na vierf.
Kruizny łajnier znachodziŭsia na karancinie ŭ porcie Jokahamy z pačatku lutaha, paśla taho jak u adnaho z pasažyraŭ vyjavili novy karanavirus. Na borcie znachodzilisia 3,7 tysiačy čałaviek z 56 krain.
Kamientary