U niadzielu ŭłady Sieuła padali ŭ prakuraturu pazoŭ suprać 12 lidaraŭ siekty «Chram skinii śviedčańnia Šyń-Čondžu», jakija abvinavačvajucca ŭ zabojstvie, pryčynieńni škody i parušeńni zakona pa kantroli za raspaŭsiudžvańniem infiekcyjnych zachvorvańniaŭ, paviedamlaje BBC.
Pavodle aficyjnych asob, uspyška zachvorvańnia karanavirusam u hetaj krainie pačałasia z horada Tehu, dzie paśladoŭniki hetaj siekty zarazili adno adnaho padčas ździajśnieńnia abradu, paśla čaho virus pačaŭ raspaŭsiudžvacca pa krainie.
Hety pazoŭ adlustroŭvaje abureńnie ŭ krainie ŭ dačynieńni da hetaj relihijnaj hrupy, lidar jakoj nazyvaje siabie miesijaj.
Ułady ahledzieli ŭsiu pastvu hetaj siekty — 230 tysiač čałaviek, — i prykładna 9 tysiač paviedamili, što adčuvajuć simptomy karanavirusa. 88-hadovy lidar siekty Li Man Chi taksama zdaŭ analizy na karanavirus, vyniki jakich pakul što nieviadomyja.
Tym časam usie katalickija kaścioły ŭ Paŭdniovaj Karei ŭ niadzielu byli začynienyja ŭ jakaści miery pa praduchileńni raspaŭsiudžvańnia virusa Covid-19.
Admienienyja taksama mnohija inšyja hramadskija mierapryjemstvy, u pryvatnaści kancerty pop-hurta BTS.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary