Nie pieršy miesiac u hramadstvie idzie dyskusija, jakim pavinien być spraviadlivy miechanizm vypłaty dziaržpošliny za dopusk transpartu da ŭdziełu ŭ darožnym ruchu — darožny zbor. Ciapier biez vypłaty hetaha zboru aŭtamabil nie projdzie techahlad. Heta pryviało da taho, što aŭtaŭładalniki stali ihnaravać pravierku mašyny, paviedamlaje ANT.
Pa niekatorych acenkach, u krainie pałova transpartu na darohach biez techahladu. I heta stała ŭžo prablemaj bolš surjoznaj — biaśpieki na darohach. Prajekt dakumienta, jaki źmianiaje situacyju, hatovy. Ministr transpartu i kamunikacyj Alaksiej Aŭramienka raspavioŭ ab asnoŭnych pałažeńniach dakumienta.
«Prachodžańniaŭ techahladu stała značna mienš. Niama vyznačanaj mahčymaści vypłaty ŭ rasterminoŭku. Padrychtavanym prajektam ukaza hetyja pytańni vyrašany. Praduhledžana mahčymaść płacić sumy za miesiac, za try miesiacy. Heta bolš kamfortnyja ŭmovy, biezumoŭna. Adviazka ad techahladu dapamoža pavysić biaśpieku darožnaha ruchu. Kožny karystalnik zmoža apłacić zbor praz ARIP. Novy miechanizm dazvalaje płacić za kankretny miesiac, u jakim jeździć čałaviek. Kali jon nie jeździć, to apłačvać nie treba», — skazaŭ ministr.
Alaksiej Aŭramienka dadaŭ, što kantralavać apłatu miarkujecca praź videafiksacyju, a mienavita šlacham paraŭnańnia baz danych: Kali čałaviek pieramiaščaŭsia ŭ toj pieryjad i ŭ jaho nie apłačana, to heta budzie zafiksavana. Baza paraŭnaje danyja i adpravić pa pošcie ŭ aŭtamatyčnym režymie.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary