U Mahilovie vynieśli prysud byłomu śledčamu — 7 hadoŭ kałonii
U Mahilovie asudzili byłoha kapitana justycyi z upraŭleńnia Śledčaha kamiteta pa Mahiloŭskaj vobłaści Juryja Kłopava. Pa adnym artykule — atrymańnie chabaru — jaho apraŭdali. Pa čatyroch astatnich — saŭdzieł u złačynstvie i dača chabaru, zamach na złačynstva i machlarstva — pryznali vinavatym i prysudzili da 7 hadoŭ kałonii ŭzmocnienaha režymu. Jaho taksama pazbavili zvańnia «kapitan justycyi», piša Tut.by.
U atrymańni chabaru Kłopaŭ nievinavaty i apraŭdany za niedakazanaściu jaho udziełu ŭ złačynstvie. Fihurant spravy paśla prysudu skazaŭ žurnalistam, što nie pryznaje vinu «pa 209-j» - heta značyć u zamachu na machlarstva ŭ asabliva bujnym pamiery. I što budzie abskardžvać prysud.
Namieśnik prakurora Mahiloŭskaj vobłaści zajaŭlaŭ pazoŭ ab spahnańni z Kłopava ŭ dachod dziaržavy «biespadstaŭna nabytaj vyhady», heta značyć atrymanych chabaraŭ ad Cieplakova, Ramanoŭskaha, Varabjova, ale ŭ im sud admoviŭ.
Aficyjnaj infarmacyi pra zatrymańnie Kłopava nie było. U sudzie stała jasna, što pad vartu jaho ŭziali 24 maja 2019 hoda. Pavodle niepaćvierdžanych źviestak, były kapitan justycyi trapiŭsia z dokazami złačynstva supracoŭnikam KDB pry atrymańni chabaru. Prakuratura vobłaści nijak nie kamientuje pazicyju abvinavačvańnia.
Rodnyja asudžanaha zhadvali pra toje, što kryminalny pieraśled «źviazany z pracaj».
U svaim apošnim słovie na sudzie Juryj Kłopaŭ skazaŭ, što ź jaho «pakul nie varta rabić sakralnuju achviaru pieradvybarnaj kampanii peŭnych kandydataŭ», i prasiŭ sudzić jaho «za toje, što jon ździejśniŭ». Spasyłaŭsia na słovy prezidenta pra falsifikacyi padčas rasśledavańnia kryminalnych spraŭ i kazaŭ, što «jany ničoha nie značać», raz jon, Kłopaŭ, — abvinavačany.
Rodnyja Kłopava, jakija prysutničali na pracesie, kateharyčna nie zhodnyja z prysudam, ličać abvinavačvańni niezasłužana, ale patłumačyć žurnalistam svoj punkt hledžańnia jany admovilisia.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary