Padčas «supieraŭtorka» na prajmieryz u ZŠA Bajdenu sprahnazavali pieramohu ŭ troch štatach
Ale ŭ inšych štatach hałasy jašče nie padličanyja.
Byłomu vice-prezidentu ZŠA Džo Bajdenu sprahnazavali pieramohu ŭ prajmieryz u troch amierykanskich štatach.
Paviedamlajecca, što Bajden vyjhraŭ pieršasnyja vybary ŭ Virdžynii (99 hałasoŭ delehataŭ na źjezd Demakratyčnaj partyi ŭ lipieni), Paŭnočnaj Karalinie (110) i Ałabamie (52), a jaho kankurent, sienatar ad štata Viermont Bierni Sanders, atrymaŭ pieramohu na prajmieryz u svaim štacie. Taksama hazieta paviedamlaje, što ŭ Samoa lidziruje były mer Ńju-Jorka Majkł Błumbierh.
Adznačajecca, što kančatkovyja vyniki buduć abvieščanyja paśla padliku ŭsich hałasoŭ va ŭsich štatach.
Pavodle prahnozu CNN, Bajden i Sanders lidzirujuć na pieršasnych vybarach štacie Akłachoma. Ad hetaha štata na źjezd demakrataŭ, dzie budzie nazvana imia supiernika Donalda Trampa na prezidenckich vybarach u listapadzie, vyłučajuć 37 delehataŭ.
U Masačusetsy, pa prahnozach telekampanii, taksama pakul nie vyznačyŭsia vidavočny pieramožca: za 91 hołas delehataŭ ad hetaha štata zmahajucca Bajden, Sanders i sienatar ad Masačucetsa Elizabet Uoren.
U štatach Men i Miniesota Bajden i Sanders papiarednie atrymlivajuć adnolkavuju kolkaść delehataŭ.
U Tenesi Bajden, Sanders i Błumbierh atrymlivajuć prykładna roŭnuju kolkaść hałasoŭ, paviedamiła telekampanija CNN, adznačyŭšy, što kožny z pretendentaŭ, zhodna ź pieršymi źviestkami, što pastupajuć z vybarčych učastkaŭ, atrymlivaje kala 23% hałasoŭ.
Raniej paviedamlałasia, što hałoŭnym supraćstajańniem samaha maštabnaha dnia hałasavańnia na etapie adboru kandydata ŭ prezidenty krainy ad Demakratyčnaj partyi źjaŭlajecca ŭdzieł u vybarach sienatara ad štata Viermont Bierni Sandersa i byłoha vice-prezidenta Džo Bajdena.
U «supieraŭtorak», 3 sakavika, prajmieryz prachodziać u 14 štatach. Jak praviła, pieramožca «supieraŭtorka» stanovicca kandydatam u prezidenty ZŠA.
Vybary prezidenta projduć u listapadzie.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary