U žurnalistki Darji Łamanoŭskaj test na karanavirus nie paćvierdziŭsia
U žurnalistki «Kamsamołki» Darji Łamanoŭskaj test na karanavirus nie paćvierdziŭsia. Pra heta jana napisała ŭ svaim fejsbuku.
«U mianie dobryja naviny: vynik testu na karanavirus u mianie admoŭny! 16 sakavika budzie kantrolny test. Z balnicy ŭžo vypisali. Ja vielmi ŭdziačnaja miedykam infiekcyjnaj balnicy! I zahadčyca adździaleńnia, i miedsiostry — usie vielmi staralisia. I heta ciapier — u taki napružany dla ich čas», — napisała žurnalistka.
U siaredzinie lutaha Darja praviała niekalki dzion na poŭnačy Italii, u tym liku ŭ Vieniecyi, dzie paźniej źjaviŭsia ačah zachvorvańnia na karanavirus. Praź niekalki dzion pa viartańni ŭ Minsk Darja adčuła prablemy sa zdaroŭjem: uźniałasia tempieratura, zabaleła horła. Jana źviarnułasia da miedykaŭ, u vyniku jaje špitalizavali ŭ infiekcyjnuju balnicu.
Kamientary