«Trymajciesia ad Sieviarynca dalej». U kałonak Mukavozčyka źjaviłasia televiersija na STB
Premjera na STB — ahladalnik «Sovietskoj Biełoruśsii» Andrej Mukavozčyk ciapier začytvaje ŭ viečarovym subotnim efiry svaje fieljetony. Prajekt nazyvajecca «Nakipieła».
Mukavozčyk — adyjozny aŭtar ledź nie štodzionnych kałonak na sajcie Sb.by, pryśviečanych «voraham». Jon pastajanna piša to pra «Našu Nivu», to pra Tut.by, to pra apazicyju ci hramadzianskuju supolnaść. Naturalna, nikoli nie krytykujučy ŭładu.
Hramadzianie składali pietycyi z prośbaj, kab u dziaržaŭnych ŚMI nie publikavalisia «intelektualna niepaŭnavartasnyja» teksty Mukavozčyka. Adnak u vyniku jon sa svaim vykryvalnym farmatam pryjšoŭ jašče i na telebačańnie.
Čytajcie. Žurnalist «SB» Mukavozčyk — studentam: Ja ŭjaŭlaju, kolki ludziej mianie luta nienavidziać
«Niespakojnyja členy hramadstva, jakija ŭvieś čas kličuć vyjści choć na jaki-niebudź mitynh, buduć [nazyvacca] «sieviaryncy». Kali taki «sieviaryniec» prapanuje vam na vulicy choram pamalicca abo praśpiavać himn, nie admaŭlajciesia, tam reakcyja niepradkazalnaja. Dobra było b, zdalok raspaznaŭšy ŭ natoŭpie «sieviarynca», trymacca ad jaho dalej. Tym bolš luboje niesankcyjanavanaje zboryšča i samo pa sabie možna nazyvać «sieviaryncam». «Zaŭtra abiacajuć «sieviaryniec», pojdzieš?» — Pravilny adkaz «nie», — viaščaje taki «mukavozčyk».
«Nie zabudziem pra hiendarnuju roŭnaść: «radziny» — toj, dziakuj Bohu, redki siarod našych žančyn hatunak ekzaltavanych kursistak, jakija ŭsio svajo žyćcio hatovyja pakłaści, tolki kab žyćcia nie było i ŭ inšych», — praciahvaje jon.
U padobnym styli dziaržaŭnaja prapahanda pracuje niačasta, značna radziej, čym u 1990-ja i 2000-ja. U kadry zastalisia badaj što tolki «Kłub redaktaraŭ» na «Biełaruś-1», a taksama syn prapahandysta Azaronka na STB.
Čytajcie. Pamiatajecie prapahandysta Azaronka z 1990-ch? Ciapier jaho syn padros i plažyć apazicyju ŭ efiry STB
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary