Litva zakryvaje miažu z paniadziełka i ŭvodzić žorstki karancin. Nie buduć pracavać navat cyrulni
Z metaj utajmavańnia raspaŭsiudžvańnia karanavirusa va ŭsioj Litvie z 00.00 paniadziełka na dva tydni ŭvodzicca karancin, paviedamiŭ premjer-ministr Saŭlus Skviernialis, piša Delfi.
Pavodle jaho słoŭ, paśla ŭviadzieńnia karancinu budzie zabaronieny ŭjezd zamiežnym hramadzianam za nievialikim vyklučeńniem. Urad Litvy spynić pracu baraŭ, kafe, niepraduktovych kramaŭ.
Nie płanujecca abmiažoŭvać pracu aptek, adnak u ich buduć uviedzienyja dadatkovyja miery achovy, zajaviŭ kiraŭnik urada paśla narady.
Hramadzianam Litvy zabaroniać jeździć u zakranutyja karanavirusam krainy ŭsimi vidami transpartu. Taksama razhladajecca mahčymaść zabaranić vyjezd za miažu nie z pracoŭnymi metami.
Zabaroniać naviedvańnie pacyjentaŭ u lačebnych ustanovach, a taksama viaźniaŭ u miescach źniavoleńnia, nadavać pasłuhi SPA, reabilitacyi, kali jany nie źviazany ź lačeńniem, zabaraniajecca dziejnaść cyrulniaŭ, sałonaŭ pryhažości. Abmiažoŭvajecca kolkaść pasažyraŭ u mižharodnich aŭtobusach i ciahnikach, kab zachoŭvać dystancyju pamiž pasažyrami i hetak dalej.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary