U lutym siaredni zarobak brudnymi skłaŭ Br906 tys. rubloŭ, abo 320 dalaraŭ.
U lutym siaredni zarobak brudnymi skłaŭ Br906 tys. 177 rubloŭ, paviedamili karespandentu BIEŁTA ŭ Nacyjanalnym statystyčnym kamitecie.
Hety pakazčyk u studzieni hetaha hoda składaŭ Br919 tys. 637. U śniežni siaredni zarobak pieravyšaŭ miljon rubloŭ.
Jašče macniejšyja ličby padzieńnia ŭ dalaravym vyražeńni. U śniežni zarobak składaŭ 450 dalaraŭ, u studzieni — 330, u lutym — 320.
U ciapierašni čas Minfin Biełarusi rychtuje ŭdakładnieny varyjant biudžetu na 2009 hod. Kab vykanać patrabavańnie Alaksandra Łukašenki ab dasiahnieńni biezdeficytnaha biudžetu, urad vymušany byŭ prapanavać skaračeńnie zarobkaŭ pracaŭnikoŭ biudžetnych arhanizacyj. Biezdeficytny biudžet, u svaju čarhu, byŭ umovaj mižnarodnych kredytoraŭ dla vydačy miljardnych kredytaŭ Biełarusi.
Kankretnyja prapanovy, jakija padrychtavaŭ Minfin, karektujučy biudžet, apublikavanyja pakul nie byli. Nijakaj infarmacyi niezaležnym ŚMI zdabyć taksama nie ŭdałosia.
U suviazi z devalvacyjaj rubla dachody pracaŭnikoŭ dziaržsiektaru ŭžo skaracilisia na tracinu ŭ dalaravym vyražeńni.
Kali dalejšaje abrazańnie zarobkaŭ adbudziecca, jano, najchutčej što, budzie mieć prychavanuju, raściahnutuju, a nie razavuju formu.
Kamientary