Paciapleje tolki ŭ vychadnyja.
Na hetym tydni ŭ Biełarusi čakajecca vielmi niaŭstojlivaje nadvorje, tamu što ŭ aŭtorak na terytoryju krainy zavitaje cykłon z boku Bałtyi,paviedamiŭ redakcyi načalnik słužby hidramieteaprahnozaŭ Respublikanskaha hidramietcentra Dzmitryj Rabaŭ.
U aŭtorak i sieradu na bolšaj častcy krainy čakajecca śnieh i mokry śnieh, u noč na sieradu pa Homielskaj i Mahiloŭskaj abłaściach śnieh mocny, na asobnych učastkach daroh hałalodzica. Tempieratura pavietra ŭnačy ŭ sieradu 1—7 marozu, udzień u aŭtorak ad minus 1 da plus 5, u sieradu — minus 2—plus 3 hradusy.
U čaćvier—piatnicu atmaśfierny cisk stanie krychu pavialičvacca,
i ŭdzień budzie ŭžo bolš soniečna.U čaćvier miescami, a ŭ piatnicu pa paŭdniovym zachadzie znoŭ čakajecca nievialiki mokry śnieh. Tempieratura pavietra ŭ čaćvier unačy minus 2—8 hradusaŭ, pry prajaśnieńniach — da 12 marozu, udzień — ad minus 3 da plus 3 hradusaŭ. U piatnicu ŭnačy čakajecca 3—10 marozu, pa paŭnočnym uschodzie — da minus 13 hradusaŭ, udzień — ad minus 1 da plus 5 hradusaŭ.
Zhodna z papiarednimi prahnozami, u vychadnyja charaktar nadvorja istotna źmienicca, i da nas stanie pastupać ciopłaje i vilhotnaje pavietra z boku poŭdnia Jeŭropy. Tady apadki čakajucca ŭžo ŭ vyhladzie daždžu. U asobnych rajonach tuman, unačy i ranicaj miescami na darohach hałalodzica. Tempieratura pavietra ŭnačy ŭ subotu ad minus 5 da plus 1 hradusa, u niadzielu — ad minus 2 da plus 3 hradusaŭ,
udzień u vychadnyja 2—8 ciapła, pa poŭdni ŭ niadzielu — da plus 10 hradusaŭ.
Kamientary