Napiaredadni nacyjanalnaha śviata metr łukašenkaŭskaha telebačańnia Alaksandr Zimoŭski vystupiŭ z čarhovym artykułam na naviny.by. Płača Barys Tumar.
Napiaredadni nacyjanalnaha śviata metr achranicielnaj žurnalistyki Alaksandr Zimoŭski vystupiŭ z čarhovym artykułam na naviny.by. Płača Barys Tumar.
Alaksandr Zimoŭski maje ŭnikalny dar. Jon zdolny napisać artykuł da 25 Sakavika, ni razu nie nazvaŭšy hetaha śviata, i pry hetym danieści ŭsie nieabchodnyja pasłańni da ŭsich patrebnych adrasataŭ. Pasłańnie miru i spakoju da tych, chto hetaha śviata nie viedaje. Pasłańnie žyvoj zacikaŭlenaści jeŭrapiejskaj tematykaj da pryjaznaha zamiežnaha čytača. I raspluščyć vočy nam, tym, dla kaho Dzień Voli — radasny dzień. Dziakujučy tav.Zimoŭskamu my ciapier viedajem, kamu vyhadna, kab my nie siadzieli pa chatach jak myšy pad miatłoju, a vychodzili ŭ Dzień Voli na vulicy: «skromnym trudolubivym śpiecam po boŕbie s riežimom», «dieržatielam fondov i matierialnych aktivov», «politikam‑vośmidierastam» (jakaja niepavaha da ŭsienarodnaabranaha), čyje «šansy na kaŕjeru (i biez toho prizračnyje) vdruh stali prievraŝaťsia v pyl».
Bliskučy artykuł!
Zimoŭski vałodaje nie tolki šeraham unikalnych pryjomaŭ prapahandy i kontrprapahandy. Jon vałodaje jašče i zamiežnymi movami.U pryvatnaści, jon viedaje biełaruskija słovy «hańba», «panovie», «pačesny pasad miž narodami», pryhožaje, doŭhaje niamieckaje słova «Realpolitik» i navat zahrabisty anhielski termin «Soft Power&Prosperity».
Na jakim ža kursie lekcyj dajuć takuju cudoŭnuju adukacyju? Pa jakich mietodykach vučyŭsia aŭtar havaryć — a jon, u adroźnieńnie ad mśje Žurdena, umieje vyražać svaje dumki nie tolki prozaj, ale i vieršami?
«Utiekajet viski poniemnohu,//Skvoź tuman briuśsielskij malčik s..t.//Noċ ticha, liš NATO vniemlet Bohu,//S Poźniakom Lebied́ko hovorit».
Dosyć zamianić proźvišča piersanaža 1 na Kisiala, a proźvišča piersanaža 2 na aŭtara hetaha artykułu, uspomnić dramatyčny los namieśnika sp.Zimoŭskaha vielmišanoŭnaha tav.Azaronka, jaki nie vytrymaŭ sutyknieńnia sa spakusami białhradskich načej, i Vam adkryjecca sakret majsterstva achranicielnych (ochranitielnych) žurnalistaŭ.
Miž tym uvahu
źviartaje nie tolki sam artykuł, ale i kamientary da jaho.Jak vam viadoma, apošnim časam na forumach i ŭ abmierkavańniach ź niaźmiennaj fantazijaj udzielničajuć, zahrymiravaŭšysia pad niefarmałaŭ, ścipłyja pracaŭniki tyłu kštałtu voś hetaha (pravapis zachavany):
«Był v Polšie.Był razhovor o našiej «oppozicii»s priedstavitielami raźličnych struktur(i činovniki,i siłoviki,i torhovcy,i prostyje ludi).Vsie ułybajutsia,a siłoviki śmiejucco!Osobienno silnyj śmiech razdałsia,kohda zahovorili o BOris.Imieja z/p 10.000 dalarau,možno i pošumieť v Biełarusi.Na moj vopros,a nach.płatitie,otvietili:prikazyvajut.Pravda,mosk užie vklučiłso.Uvolnienije Ahnieški i činuši iz Mida,tomu podtvierždienije.
A voobŝie,polaki,da i fsia Jevropa nas ždut,a nienužnuju oppoziciju nie ždut».
O tak, u Jeŭropie vas ždžuć. Žyć biez vas nie mohuć. Raskajvajucca, što nie vyvučyli materyjałaŭ Treciaha ŭsiebiełaruskaha narodnaha schodu. Prosiać Zimoŭskaha vystupić ź lekcyjami.
Čechija i Polšča, Litva i Šviecyja, Finlandyja i inšyja palityčnyja bankruty rychtujuć zvaroty na adras Prezidenta Respubliki Biełaruś,Viarchoŭnaha Hałoŭnakamandujučaha Ŭzbrojenymi Siłami Respubliki Biełaruś, staršyni Vyšejšaha Dziaržaŭnaha Savietu Sajuzu Biełarusi i Rasii, staršyni Nacyjanalnaha Alimpijskaha Kamitetu Respubliki Biełaruś ab pryznańni svaich dekłaracyj ab niezaležnaści straciŭšymi siłu, ustupleńni ŭ skład Sajuzu Biełarusi i Rasii i pieranosie svaich Dzion Voli na Dzień vyzvaleńnia Chielsinki ad niamiecka‑fašysckich zachopnikaŭ.
Biednaja, biednaja apazicyja paśla hetaha. Biednaja, biednaja babula Leta, što vychodzić na Dzień Voli ź bieł‑čyrvona‑biełym ściaham. Usio jaje žyćcio pajšło katu pad chvost: «piatnadcať let prožity pravilno, no zria». Jana ž dumała, što źniasie Jeŭropa «moŝnoj strujoj pośledniuju diktaturu Jevropy i jejo ochranitielej» i pieratvorycca taja płyń «v zołotoj livień političieskich dividiendov». A tut taki abłom. Płača spadarynia Leta. Płaču i ja,
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary