Mižnarodny dabračynny fond «Šans» (Minsk) abjaviŭ zbor srodkaŭ u dapamohu
dzieviacihadovaj Lizie Maroz, žycharcy vioski Karališčavičy Minskaha rajona, jakoj nieabchodna pierasadka nyrki.
Jak paviedamiła BiełaPAN dyrektar fondu Natalla Machańko, Liza ŭžo bolš za piać hadoŭ žyvie z dyjahnazam «chraničnaja nyračnaja niedastatkovaść» i amal try hady znachodzicca na pierytaniejalnym dyjalizie.
Donaram nyrki dla Lizy stanie jaje baćka. Isnuje damoŭlenaść ab praviadzieńni apieracyi ŭ Francyi. Značnaja častka nieabchodnych srodkaŭ užo sabrana.
Na hety čas nie chapaje 46 tysiač dołaraŭ ZŠA dla abśledavańnia i pracesu reabilitacyi.
Jak paviedamlałasia raniej, u hetym hodzie Ministerstva achovy zdaroŭja Biełarusi płanuje pačać pravodzić apieracyi pa pierasadcy nyrak dzieciam. Adnak, pavodle słoŭ N.Machańko, z‑za najaŭnaści ŭ Lizy šerahu spadarožnych zachvorvańniaŭ čakać, pakul apieracyi pa pierasadcy nyrki pačnuć rabić u Biełarusi, niebiaśpiečna.
Hrošy na lačeńnie Lizy Maroz možna pieraličvać na dabračynnyja rachunki, infarmacyja pra jakija raźmieščana na sajcie fondu «Šans» .
Telefony fondu: +375 17 216 93 32; +375 44 711 11 17.
Kantakt z baćkami: +375 29 655 35 37 (maci — Maroz Volha Siarhiejeŭna, baćka — Maroz Ilja Alaksandravič).
Mižnarodny dabračynny fond dapamohi dzieciam «Šans» zarehistravany Ministerstvam justycyi Biełarusi 4 červienia 2008 hoda. Asnoŭnaja meta fondu —— akazańnie dapamohi ŭ lačeńni ciažka chvorych dziaciej. Ciapier fond akazvaje dapamohu 23 dzieciam. Tak, u studzieni hetaha hoda fond abjaviŭ zbor srodkaŭ dla kupli žyćciova nieabchodnych lekaŭ trochhadovamu Maksimu Naryvončyku ź Pinska, jaki pakutuje ad redkaha zachvorvańnia — mietyłmałonavaj acydemii. Hrošy sabrany, siamja Maksima vykazvaje padziaku ŭsim dabračyncam.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary