Złučanyja Štaty stali treciaj krainaj u śviecie pa kolkaści zafiksavanych vypadkaŭ zachvorvańnia karanavirusam. Takija źviestki pryvodzić u subotu Univiersitet Džonsa Chopkinsa, jaki ŭ realnym časie robić padliki na asnovie zvodak uładaŭ krainy, Suśvietnaj arhanizacyi achovy zdaroŭja i inšych aficyjnych krynic.
Na 04:13 pa minskim časie niadzieli ŭ Kitai, pa dadzienych univiersiteta, byŭ zafiksavany 81 321 vypadak infikavańnia. Pry hetym 3260 čałaviek pamierli 71 862 vylečylisia. U Italii zachvareli 53 578 čałaviek, pamierli 4825, ačuniali 6072 čałavieki. U ZŠA było vyjaŭlena 25 493 vypadki zachvorvańnia, zafiksavana 307 śmiarotnych kancoŭ, 171 infikavany ačuniaŭ.
Za Złučanymi Štatami iduć takija krainy, jak Ispanija (25,3 tys. vypadkaŭ zachvorvańnia), Hiermanija (22,2 tys. vypadkaŭ) i Iran (20,6 tys. vypadkaŭ).
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu15
Kamientary