Mitrapalit Pavieł na viertalocie ablacieŭ Minsk i akrapiŭ jaho śviatoj vadoj
Malebien z małym čynam aśviačeńnia vady adbyŭsia ŭ chramie-pomniku ŭ honar Usich Śviatych u pamiać ab achviarach, jakija pasłužyli vyratavańniu Ajčyny 23 sakavika, pieradaje karespandent ahienctva «Minsk-Naviny». Śviatary praviali abrad u tym liku praź situacyju z karanavirusam.
— Zaklikaju ŭsich parazvažać pra toje, jak stavimsia da padziej, jakija adbyvajucca z nami. Panika, vyklikanaja raspaŭsiudžvańniem karanavirusa, prytuplaje rozum. Jon prynios źbiantežanaść u sercy ludziej, ale dla praŭdzivych viernikaŭ nie strašny. Chočacca pažadać, kab Haspodź umacavaŭ u nas vieru, i dapamoh hodna pieraadoleć vyprabavańnie, — z propaviedzi pačaŭ nabaženstva mitrapalit Pavieł.
Paśla zakančeńnia słužby nastajaciel Usichśviackaha prychodu protaijerej Fiodar Poŭny, źviartajučysia da viernikaŭ, skazaŭ, što zdaŭna abraz Božaj Maci Dziaržaŭnaj i kryž-maščavik abaraniali našu ziamlu ad pošaściaŭ.
Z hetymi pravasłaŭnymi śviatyniami ekzarch i śviatary ablacieli horad na viertalocie. Z vyšyni jany akrapili stalicu śviatoj vadoj.
Kamientary