Łabaratoryja NanoBio pry Ahienctvie pa navucy, technałohijach i daśledavańniach Sinhapura raspracavała ekspres-test, jaki dazvalaje vyznačyć, zaražany čałaviek karanavirusam SARS-CoV-2 na praciahu piaci-dziesiaci chvilin.
Jak paviedamlaje sinhapurskaja hazieta The Straits Times, paśla taho jak raspracoŭku zaćvierdziać, heta budzie samy chutki test na karanavirus. U łabaratoryi čakajuć, što atrymajuć dazvoł na praciahu miesiaca. Zatym test stanuć prymianiać u špitalach.
Pry testavańni vykarystoŭvajuć vydzialeńni ludziej, uziatych z dapamohaj mazka. Zatym sabrany materyjał źmiaščajuć na analiz u partatyŭnuju pryładu. Kiraŭnik daśledavańniaŭ, prafiesar Džeki In, paviedamiła, što raspracoŭku prateściravali ŭ adnoj z balnic Sinhapura, vykarystoŭvajučy ŭzory realnych pacyjentaŭ. Džeki In apisała test jak «vielmi adčuvalny i dakładny».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary