Cykl čempijanataŭ Biełarusi zaviaršyŭsia pieršynstvom siarod žančyn pa šaškach-100. Za prava prezentavać krainu na mižnarodnych spabornictvach zmahalisia vosiem udzielnic, pieravažna mianianak.
Cykl čempijanataŭ Biełarusi zaviaršyŭsia pieršynstvom siarod žančyn pa šaškach-100. Za prava prezentavać krainu na mižnarodnych spabornictvach zmahalisia vosiem udzielnic, pieravažna mianianak.
Siostram-školnicam Darji i Volzie Fiedarovič procistajali šmatvopytnyja łedzi: hrosmajstarka Iryna Paškievič i majstarka Volha Sadoŭskaja. Jany i zavajavali pieršyja dva miescy. Upieršyniu čempijanat Biełarusi pa «stakletkach» Iryna Paškievič vyjhrała 28 hadoŭ tamu – z taho času paśpieła naradzić dvoch dziaciej, stać vice-čempijonkaj śvietu, papracavać trenerkaj.
Žanočyja turniry zazvyčaj emacyjnyja i niepradkazalnyja – što šachmatnyja, što šašačnyja. Letašniaja liderka, viciebskaja majstarka Maryna Razajeva, zaniała ciapier apošniaje miesca. «Cprava ŭ psychalohii, – skazaŭ nam hałoŭny sudździa Siarhiej Nasievič, – supiernicy prystasavalisia da niezvyčajnych, časta niekarektnych pabudoŭ Razajevaj».
Sp.Nasievič – staršy trener Respublikanskaha centru alimpijskaj padrychtoŭki pa šachmatach i šaškach. Jon akurat zajmajecca ź Irynaj Paškievič – śviet šašak ciesny... Na pytańni ab sakretach pośpiechu adkazvaje strymana: «Praŭdu kažučy, novych metodyk nie ŭžyvajem; analizujem tvorčaść kankurentak, hulajem trenirovačnyja partyi».
Štryšok: da ŭdziełu ŭ čempijanacie dapuskalisia tolki čalcy hramadzkaha abjadnańnia «Biełaruskaja federacyja šašak». Supołka maje asablivyja stasunki ź Ministerstvam sportu i turyzmu, ot i ŭziała «na vodkup» adbor kandydataŭ na Čempijanat śvietu. Dobra, što choć u BRSM šašystak nie zmušali ŭstupać: adna z maładych udzielnic krasavałasia ŭ Pałacy šachmat i šašak ź bieł-čyrvona-biełym bedžam «Za svabodu».
VR
Kurjoz ad hrosmajstra Nasieviča
Hierasimovič Natalla — Sadoŭskaja Volha. Miensk, 2006.
U partyi było: 1. 37-32 21-26 (tut lepš 1…21-27 2. 32:23 19:39 3. 30:10 15:4=) 2. 31-27 17-22 3. 27-21 26:17 4. 33-28 22:33 5. 38:9 15-20! ź ničyjoj. Adnak navažyŭšysia na 3. 33-28! 22:31 4. 32-27 31:33 5. 38:9, biełyja atrymlivali ŭsie šancy na pieramohu.
Kamientary