Tramp patłumačyŭ, čamu ŭ ZŠA najbolš vypadkaŭ zaražeńnia karanavirusam
Vychad Złučanych Štataŭ na pieršaje miesca ŭ śviecie pa kolkaści vyjaŭlenych vypadkaŭ zaražeńnia novym karanavirusam tłumačycca tym, što dobra funkcyjanuje sistema testavańnia. Takoje mierkavańnie vykazaŭ u čaćvier prezident ZŠA Donald Tramp na bryfinhu ŭ Biełym domie.
Jaho paprasili prakamientavać źviestki ab tym, što ZŠA abahnali Kitaj pa kolkaści tych, chto zaraziŭsia. «Ja dumaju, što heta tłumačycca tym, jak my pravodzim testavańnie. My testujem nievierahodnuju kolkaść ludziej», — zajaviŭ prezident ZŠA.
«Ja ŭpeŭnieny, što niemahčyma skazać, kaho ŭ Kitai testujuć, a kaho nie testujuć. Ja dumaju, što heta davoli składana», — pierakanany Tramp. «Nichto nie viedaje, jakija ličby ŭ Kitai», — ličyć jon.
U ZŠA najbolš vypadkaŭ zaražeńnia zafiksavali ŭ štatach Ńju-Jork (37 802), Ńju-Džersi (6876) i Kalifornija (3802).
Kamientary