Zdareńnie adbyłosia 20 sakavika kala 18:00. Inśpiektary DAI niaśli słužbu ŭ horadzie. Prajazdžajučy vulicami horada, jany zaŭvažyli trochhadovuju dziaŭčynku, jakaja išła pa tratuary kala darohi biez darosłych, paviedamlaje abłasnaja milicyja.
Pravaachoŭniki zrazumieli, što takoje małoje dzicia nie moža adno pierasoŭvacca pa horadzie, raźviarnuli słužbovy aŭtamabil i pajechali ŭ bok, kudy pajšła dziaŭčynka.
Padjechali da dziciaci, a kala jaho ŭžo spyniłasia nieabyjakavaja žančyna, jakaja ŭbačyła, što dziaŭčynka ledź nie ŭpała na prajeznuju častku. Inśpiektary DAI pacikavilisia ŭ dziaŭčynki, čamu jana adna i dzie žyvie.
Ale dziaŭčynka z-za ŭzrostu ničoha nie zmahła patłumačyć. Tady chłopcy vyrašyli pajechać u advarotny bok: h.zn. tudy, adkul išła dziaŭčynka. Tam byŭ novy mikrarajon.
Pryjechaŭšy na miesca, jany pabačyli zaniepakojenaha mužčynu, jaki biehaŭ kala damoŭ. Heta i byŭ baćka. Jon raspavioŭ, što zabraŭ dačku ź dziciačaha sadka i pryvioŭ dadomu, a zatym zaniaŭsia chatnimi spravami. Jak jana vyjšła z kvatery, nie zaŭvažyŭ, takoje zdaryłasia ŭpieršyniu. Tata mocna dziakavaŭ inśpiektaram.
Kamientary