U špitalizavanaj žančyny z Žytkavičaŭ nie było karanavirusa. Pra heta paviedamiła namieśnik ministra achovy zdaroŭja — hałoŭny dziaržaŭny sanitarny doktar Biełarusi Natalla Žukava na pres-kanfierencyi ŭ Minsku.
«U daśledavańniach testaŭ hramadzianki z Žytkavič pryniali ŭdzieł śpiecyjalisty roznych uzroŭniaŭ. Pravieryli niekalki razoŭ. Kančatkovy vynik — admoŭny», — skazała jana.
Havorka idzie pra 58-hadovuju žycharku Žytkavičaŭ, jana znachodziłasia ŭ stabilna ciažkim stanie ŭ homielskaj reanimacyi. Dyjahnaz — dvuchbakovaja pnieŭmanija. Ni žančyna, ni jaje akružeńnie nie vyjazdžali za miažu.
U žančyny padniałasia tempieratura, pačaŭsia suchi kašal. U rajonnaj paliklinicy joj pastavili dyjahnaz «vostraja reśpiratornaja virusnaja infiekcyja» i vypisali antybijotyki. Vynikaŭ heta nie davała, i ŭ subotu žančyna pajšła ŭ Žytkavickuju palikliniku da terapieŭta. Paśla kansultacyi vyjšła z kabinieta i straciła prytomnaść. Tolki tady ŭ jaje dyjahnastavali dvuchbakovuju pnieŭmaniju. Tady ž zrabili pieršy test na karanavirus — i atrymali stanoŭčy vynik.
Kamientary