U ZŠA popyt na naftu apuściŭsia da takoha ŭzroŭniu, što asobnyja vytvorcy vymušanyja dapłačvać za razhruzku schoviščaŭ, pieradaje Bloomberg.
Cana minus 19 centaŭ za baral była zafiksavana na hatunak nafty Wyoming Asphalt Sour. Kampanija Mercuria Energy Group Ltd. pačała prapanoŭvać jaje spažyŭcam 19 centaŭ za kožny baral, vyviezieny sa schovišča. 26 sakavika cana adnaviłasia da $2 za baral, pry tym što jašče ŭ kancy lutaha košt vahaŭsia ŭ rajonie $25-27.
Wyoming Asphalt Sour — siarnistaja nafta, jakaja zdabyvajecca ŭ štacie Vajominh. Zvyčajna jaje vykarystoŭvajuć dla vytvorčaści bitumu i asfaltu. Z-za vialikaha abjomu prymiešak, u pieršuju čarhu siery, jaje składana pierapracoŭvać, što abumoŭlivaje jaje značna bolš nizki košt u paraŭnańni z etałonnymi hatunkami.
