Analiz NN: Taki Dzień Voli nie paŭpłyvaje na biełaruska-jeŭrapiejskija adnosiny
Ułady praviali poŭnamaštabnuju demanstracyju siły.U centr horadu byli ściahnutyja Ŭnutranyja vojski. Na dachach budynkaŭ siadzieli snajpiery. Na vidnie stajali dziesiatki aŭtazakaŭ i navat - navinka siezonu - śpirali Bruna. Tym nie mienš, bolš za 3000 manifiestantaŭ, pieravažna moładź i piensijaniery, sabralisia kala Akademii navuk.
Arhanizatary śviatkavańnia pajšli na aryhinalny krok. Kab nie iści na Banhałor, pryniźlivy dla nacyjanalnaha śviata, i kab nie pravakavać užyćcia siły šeściem u centr horadu, jany zaklikali ŭstać łancuhom uzdoŭž praśpiektu. Ludzi zrabili toje z entuzijazmam. Na praśpiekcie zapanavała samaarhanizacyja.
Hrupa moładzi ź niekalkich socień čałaviek skiravałasia ŭ bok centru, ale nie pajšła na sutyknieńni z amonaŭcami. Pry kancy akcyi, viarnuŭšysia da Akademii navuk, moładź raźviała vialikaje vohnišča z partretaŭ Łukašenki i prapahandysckaje litaratury.
Arhanizataram udałosia elehantna pierajhrać ułady. Žyvy łancuh hladzieŭsia efiektna, ludziam padabałasia toje, što jany robiać.Užyćciu siły suprać takoj padkreślena mirnaj akcyi niemahčyma było b znajści nijakaje abhruntavańnie.
Miarkujučy pa składzie ŭdzielnikaŭ śviata, palityčnaj apazicyi nie ŭdałosia danieści infarmacyju pra akcyju da šyrejšych kołaŭ, a najmanyja rabotniki nie hatovyja da ryzyki palityčnaje aktyŭnaści. U toj ža čas
transparanty, pryniesienyja zvyčajnymi ludźmi, mieli pieravažna sacyjalny charaktar —vynik ekanamičnaha kryzisu ŭ krainie.
Hety Dzień Voli nie paŭpłyvaje niehatyŭna na biełaruska-jeŭrapiejskija adnosiny. Što datyčyć siły, arhanizavanaści i matyvacyi niezaležnaha hramadstva, to
siońniašniaja akcyja była bolš maštabnaju za anałahičnyja ŭ mižčaśsi miž prezidenckimi vybarami 2001 i 2006 hadoŭ.
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
-
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
-
«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary