Lideraŭ mižnarodnaj maładziožnaj arhanizacyi "Małady front" Anastasiju Pałažanku i Dzianisa Karnova supracoŭniki śpiecsłužbaŭ vyvieźli pad Minsk, u rajon vioski Tarasava.
Jak paviedamiła BiełaPAN Pałažanka, jany z Karnovym byli zatrymany prykładna ŭ 17.00 kala stancyi mietro "Kamiennaja horka" ŭ Minsku.
"Nas siłaj zakinuli ŭ mašynu, adabrali mabilnyja telefony, nasunuli na vočy šapki i pavieźli ŭ Hrodzienskim napramku.Paśla hetaha Dzianisa niekudy pierasadzili, zajaviŭšy, što paviazuć jaho ŭ RAUS, ale ŭ jaki RAUS — nie skazali. Mianie pavieźli dalej i vysadzili z mašyny na trasie ŭ rajonie vioski Tarasava. Nazad ja dabirałasia na spadarožnych mašynach", — paviedamiła Pałažanka.
Karnova, pavodle jaje słoŭ, zavieźli jašče dalej i taksama vysadzili na trasie, pierad hetym źniali ź jaho štany. "Našy tavaryšy na mašynie pajechali jaho zabirać", — skazała Pałažanka.
Na jaje dumku, zatrymańnie było źviazana sa śviatkavańniem u Minsku Dnia Voli.
Kamientary