Sto čałaviek nie zbajalisia vyjści na śviatkavańnie Dnia Voli ŭ horadzie nad Dźvinoj. «Narodnaja ŭłada» budzie sudzić usich ź ich, chto nie zbajaŭsia ŭźniać ściahi.
Siarhieja Kavalenku, Ihara Bazarava, Valeryja Alaksandrava, Leanida Aŭtuchova i Alaksandra Kuźniacova buduć sudzić za ŭdzieł u niesankcyjanavanych akcyjach.
Udzielnikaŭ niekalkich akcyj, jakija ŭčora ciaham dnia prajšli ŭ Viciebsku, było značna bolej, bolš za sotniu čałaviek, ale mienavita hetyja piaciora chłopcaŭ razharnuli na vačoch viciebskich minakoŭ bieł‑čyrvona‑biełyja ściahi, za što j byli zatrymanyja milicyjaj.
Minułuju noč u izalatary časovaha ŭtrymańnia musili pravieści siabra KCHP‑ BNF Siarhiej Kavalenka i jahony adnadumca Ihar Bazaraŭ. Razam z Valeram Alaksandravym hetyja chłopcy razharnuli nacyjanalnyja ściahi na płoščy Svabody. Spadara Alaksandrava milicyjanty na noč nie zatrymlivali, bo jon maje invalidnaść.
Ź izalataru časovaha ŭtrymańnia ŭ Kastryčnicki rajonny sud pryviazuć taksama staršyniu rajonnaj supołki Partyi BNF z Haradka Leanida Aŭtuchova, jaki razharnuŭ nacyjanalny ściah la memaryjalnaj doški Vasila Bykava, kudy hramadzkija aktyvisty pryjšli ŭčora ŭviečary, kab uskłaści kvietki.
Viciebskija hramadzkija aktyvisty i pravaabaroncy źbirajucca siońnia paprysutničać na ŭsich sudovych pracesach suprać apazycyjaneraŭ, kab vykazać ź imi salidarnaść.
Kamientary