Łukašenka zaklikaje ludziej u balnicach nie apuskać ruki, navat pry stanoŭčym teście na karanavirus.
Pra heta jon zajaviŭ siońnia, prymajučy z dakładam kiraŭnika Administracyi prezidenta Ihara Sierhiejenku, staršyni Savieta Respubliki schodu Natalla Kačanava i ministra achovy zdaroŭja Uładzimira Karanika, pieradaje BIEŁTA. Na fota z sustrečy vidać, što na joj prysutničaŭ taksama sakratar Rady biaśpieki Raŭkoŭ.
«I zaprasili ministra, kab jon dałažyŭ, jakaja situacyja na froncie achovy zdaroŭja. Pry hetym chaču padkreślić: mianie siońnia, naturalna, budzie cikavić, jak razhortvajecca ŭ nas (ci ŭžo zhortvajecca) psichoz z karanavirusam.
Ale mianie bolš budzie cikavić situacyja ŭ suadnosinach ź inšymi chvarobami, — zajaviŭ Alaksandr Łukašenka. — Ja jašče raz chaču nahadać, što my možam vielmi surjozna prosta pakryŭdzić i źniavažyć ludziej, jakija siońnia znachodziacca ŭ balnicy, pakutujuć na inšyja zachvorvańni: sardečna-sasudzistyja, ankałohija, astmatyki ŭ nas jość, cukrovy dyjabiet, uvohule pnieŭmanii, jak zaŭsiody ŭ hety pieryjad. Tamu mianie cikavić ceły kompleks pytańniaŭ. I źviartaju ŭvahu, asabliva Ministerstva achovy zdaroŭja, kab my nie zabylisia hetych ludziej».
«I ŭpieršyniu ja chaču źviarnucca (šmat kazali pra daktaroŭ, dziakuj im, chto tam načuje i dniuje ŭ špitalach, lečyć našych ludziej u hety niaprosty pieryjad) da ludziej, jakija znachodziacca ŭ stacyjanarach i nie prosta chvarejuć z orhanami dychańnia. Nie, da ŭsich źviarnucca. Tamu što
ŭ apošni čas mnie pastupaje infarmacyja, što voś hety psichoz, asabliva karanavirusny, davioŭ da taho, što ludzi ŭžo apuścili ruki. I ŭ balnicach pierastali zmahacca za svajo žyćcio.
Ministr viedaje, što takoje, kali čałaviek pierastaje zmahacca za žyćcio», — skazaŭ Alaksandr Łukašenka.
