photo.bymedia.net
Mitrapalit Fiłaret prapanavaŭ dziaržavie na zakanadaŭčym uzroŭni ŭrehulavać Interniet z aryjentacyjaj na kitajski vopyt. BAŽ, BCHK, RuSu varta nieadkładna i dakładna zreahavać na hetuju zajavu. Kamientuje Barys Tumar.
Pra heta kiraŭnik biełaruskaj siekcyi Rasijskaj pravasłaŭnaj carkvy zajaviŭ padčas sustrečy Alaksandra Łukašenki z členami jaje Sinodu.
Pry hetym jon adznačyŭ, što ŭ hetym pytańni možna aryjentavacca na vopyt Kitaju: «Kitajski vopyt cikavy tym, što adkaznaść za vykarystańnie Internietu ŭskładziena nie na dziaržavu, a na tych, chto pradastaŭlaje dostup u sieciva», — cytuje słovy mitrapalita Interfaks.
Što takoje kitajski vopyt? Čym jon roźnicca, naprykład, ad niamieckaha ci tureckaha? Kitaj uvioŭ maštabnuju internet‑cenzuru. U bolšaści demakratyčnych krainaŭ adpaviednyja orhany majuć prava začynić abo błakavać internet‑staronki, jakija parušajuć zakon, i takoje ŭžyvajecca suprać sajtaŭ, naprykład, ź dziciačaj parnahrafijaj abo jakija źbirajuć hrošy na Al‑Kajdu. U Kitai ž uviedziena sistema filtracyi ŭsiaho źmiestu. Z Kitaju niemahčyma trapić na staronku, dzie budzie napisana, naprykład: «U Kitai dyktatura». Bolš za toje, vialiki kitajski fajervoł — «Džyndun hońčeń», abo «Załaty ščyt», jak nazyvaŭsia hety prajekt koštam 800 miljonaŭ dalaraŭ, — jašče i źbiraje infarmacyju pra kamputary, ź jakich vychodziać zapyty na zabaronienyja sajty. Mietady filtracyi raznastajnyja: błakavańnie IP, filtravańnie DNS i URL dy inšaje.
Adkul ža va ŭładyki Fiłareta takoje vydatnaje viedańnie technałohij, dyj takaja precyzijnaść prapanovaŭ: «na zakanadaŭčym uzroŭni ŭrehulavać»? Skazaŭ, jak rezalucyju začytaŭ.
Naprošvajecca dumka, što hetaje vykazvańnie Fiłaretu ŭkłali ŭ vusny arhanizatary sustrečy. Niezdarma mienavita hety momant z praciahłaj havorki rastyražavali łukašenkaŭskija ahienctvy BIEŁTA i «Interfaks». Vusnami manacha havaryła spadarynia, jakaja akurat u toj dzień prymała tainstva šlubu, i sam tavaryš Žadobin. Rašeńnie pa filtravańni Netu viedamstva napeŭna ž budzie prymacca nie ideołahami, a Radaj biaśpieki.
Vykazvańnie mitrapalita moža być sihnałam ab padrychtoŭcy hramadskaje dumki da abmiežavańnia raspaŭsiudu infarmacyi ŭ Necie pierad nastupnymi prezidenckimi vybarami. Maŭlaŭ, nie skurny intares palityčnaje hrupoŭki, jakaja manapalizavała ŭładu, staić za imknieńniem filtravać trafik pa klučavych słovach, a kłopat pra duchoŭnaść i abaronu ad raspusty. «Usiakaha rodu amaralnaja infarmacyja stała dastupnaja dzieciam i padletkam, — padkreśliŭ Fiłaret. — Virtualny chaos dla ich samy zhubny». I sapraŭdy, u Internecie možna pračytać, što Skaryna žyŭ u Prazie i što jość krainy, dzie nie tolki sudy, ale i cerkvy nie zaležać ad vykanaŭčaje ŭłady. Adureć možna.
Biełaruskaj asacyjacyi žurnalistaŭ, Biełaruskamu Chielsinskamu kamitetu, Ruchu za Svabodu, inšym vartaŭnikam volnaściaŭ varta nieadkładna i dakładna zreahavać na zajavy mitrapalita.
