Na sajcie Biełaruskaha dziaržaŭnaha akademičnaha muzyčnaha teatra źjaviłasia paviedamleńnie, što 13 krasavika pajšoŭ z žyćcia zasłužany artyst Rasii Alaksiej Kuźmin.
Alaksiej Alaksiejevič naradziŭsia 2 vieraśnia 1941 hoda ŭ Rasii (Kiraŭskaja vobłaść), z 1984 hoda słužyŭ Biełaruskamu dziaržaŭnamu akademičnamu muzyčnamu teatru.
Paśla zakančeńnia ŭ 1967 hodzie Dziaržaŭnaha instytuta teatralnaha mastactva imia A. V. Łunačarskaha Alaksiej Kuźmin pryjšoŭ u trupu Vałhahradskaha teatra muzyčnaj kamiedyi.
Akramia pracy ŭ teatry Alaksiej Kuźmin vykładaŭ u Vałhahradskim vučyliščy mastactvaŭ majsterstva akciora i sceničny ruch, a na miascovym telebačańni vioŭ pieradaču pra Vialikuju Ajčynnuju vajnu i muzyčnyja prahramy. Akramia hetaha, artyst źniaŭsia ŭ niekalkich filmach Vałhahradskaha telebačańnia.
U 1970 hodzie artyst hraŭ u Maskoŭskim teatry apierety ŭ śpiektakli «Silva».
Da trupy Dziaržaŭnaha teatra muzyčnaj kamiedyi Biełarusi artyst dałučyŭsia ŭ 1984 hodzie. Siarod rolaŭ, vykananych na scenie teatra: Dziadźka Saša («Niabiesny cichachod»), Don Atava («Don Žuan u Sievilji»), Filip Ła-Tureta («Bajadera»), Kniaź Leapold Valerschiejm («Karaleva Čardaš» I. Kalmana), Kniaź Barhieze («Kapialuš Napaleona» O. Štrausa), Baron Zeta, Niehuš («Viasiołaja ŭdava» F. Lehara), Renar («Pryncesa cyrka» I. Kalmana), Papakoda, sienatar Delakva, Hiercah Urbina («Noč u Vieniecyi» I. Štrausa), Alaksandr («Biada ad dalikatnaha serca» A. Šaramiećjeva), Edryjen («Milijanierka» Ja. Hlebava), Stefiensien («Pepi» V. Daškieviča), Hieorh Stan («Volny viecier» I. Dunajeŭskaha, pastanoŭka 1986 hoda), Zupan («Maryca» I. Kalmana), Dok («Viestsajdskaja historyja» na muzyku Ł. Biernstajna), Hraf Rumiancaŭ («Junona» i «Avoś» A. Rybnikava), Tata Karła («Buracina.by» A. Rybnikava) i šmatlikich inšyja.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Polšča pryznała Alaksandra Mašenskaha niepažadanaj asobaj27
Kamientary