Miery pa baraćbie z raspaŭsiudžvańniem karanavirusa mohuć razburyć ekanamičnuju asnovu Jeŭrazijskaha ekanamičnaha sajuza, ličyć Alaksandr Łukašenka. Takuju zajavu jon zrabiŭ na samicie JEAES, jaki prajšoŭ u anłajn-farmacie, pieradaje BiełTA.
U jakaści pradmieta razmovy Łukašenka prapanavaŭ temu zabieśpiačeńnia stabilnaści i spakoju ŭ hramadstvie, niedapuščeńnia razmyvańnia asnoŭ JEAES z-za imknieńnia ŭ pieršuju čarhu zaścierahčy ad niebiaśpieki tolki siabie. «Kali my nie abjadnajem namahańni, to zaŭtra budziem adnaŭlać parušanyja ekanamičnyja suviazi, i na heta pojdzie šmat času, hrošaj i pracy», — upeŭnieny Łukašenka.
Pavodle jaho słoŭ, toje, što ciapier adbyvajecca ŭ śviecie, paćviardžaje vykazanyja zaściarohi: virus razburaje žyćci i siemji, unosić sumiatniu ŭ rabotu rynkaŭ, viadzie da spynieńnia cełych halin, surjozna ŭpłyvaje na stan spraŭ u naftavaj śfiery.
«Adnabakovyja dziejańni dziaržaŭ pastavili pad pahrozu handlovyja adnosiny, kaapieracyjnyja łancužki, pracoŭnuju mihracyju. Adsutnaść kaardynacyi namahańniaŭ uzmacniaje hetyja niehatyŭnyja faktary. Tamu ehaistyčnyja rašeńni, jakija prymajucca biez ahladki na nastupstvy jak minimum u adnosinach da bližejšych partnioraŭ, stratehična nie buduć mieć pośpiechu. U siońniašniaj situacyi tolki dziakujučy źjadnanaści i rašučaści my zmožam dać rady pandemii i jaje nastupstvam», — zajaviŭ Łukašenka.
Jon zaklikaŭ rašuča dziejničać razam, raźličvać nie tolki na biahučaje raźvićcio situacyi, ale i na pierśpiektyvu, pradumać farmiravańnie ŭłasnaha rehijanalnaha «pojasa biaśpieki» šlacham paskareńnia stvareńnia impartazamiaščalnych vytvorčaściej i łakalizacyi na terytoryi sajuza krytyčna važnych halin. «Akramia taho, nam patrebny supolnyja miechanizmy reahavańnia na hłabalnyja kryzisy novaha rodu — epidemičnyja, supolnyja normy i płany dziejańniaŭ u nadzvyčajnych situacyjach u metach źmianšeńnia ryzyk», — ličyć Łukašenka.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary